Waar het al dié beroemde entrepreneurs as interns begin?

Vrydag, Augustus 12th, 2016

Elon Musk

Die miljardêr-entrepreneur en stigter van Tesla Motros was in verskeie internskappe voordat hy deel van die groot ligas geword het. Hy was ’n somerintern by die Bank van Nova Scotia terwyl hy nog by Queen’s University in Ontario studeer het, ’n intern by Microsoft Canada en ’n videospeletjieprogrammeerder vir Rocket Science Games. Musk het later na Kalifornië gegaan om met ’n PhD in fisika te begin en was ’n intern by Pinnacle Research, ’n energiestoor-beginbesigheid.

 

Evan Spiegel

Die stigter en HUB van Snapchat het na hoërskool as ’n onbetaalde intern vir Red Bull gewerk. Later, terwyl hy besig was om ’n graad in produkontwerp by Stanford Universiteit te voltooi, was hy ’n intern by die biotegnologiemaatskappy Abraxis BioScience en het by die sagtewaremaatskappy Intuit gewerk.

 

Max Levchin

Die reeksentrepreneur wat vir PayPal, sosiale-app-ontwikkelaar Slide en die aanlyn uitleenbeginfirma Affirm dronkgeslaan het, het sy loopbaan in die Sowjetunie begin. Op die ouderdom van 13 het hierdie inwoner van Kiev as ’n programmeerder by ’n plaaslike kollege se rekenaarlaboratorium gewerk in ruil vir toegang tot die rekenaars na ure

 

Steve Jobs

Die stigter van Apple het sedert sy kinderdae ’n onversadigbare drang na kennis gehad. Op 12 het hy Bill Hewlett ongevraagd gebel en vir frekwensietelleronderdele gevra. Die stigter van Hewlett-Packard het ingestem om vir hom die onderdele te gee en het ook vir Jobs ’n somerinternskap by HP aangebied.

 

Bill Gates

Die miljardêr en stigter van Microsoft het van jongs af in meer as net tegnologie belang gestel. Hy was ’n kongresbode vir sy staat se wetgewer in Seattle en later in 1973 op die ouderdom van 18 ’n kongrasbode in die Huis van Verteenwoordigers.

 

 

Bron: Inc.com

 

  •  
  •  
  •  
  •  

Ander Artikels

Wil jy graag jou eie baas wees? Vra dan eers jouself die regte vrae
Anja van den Berg   Die meeste mense begryp dat besigheidskennis nodig is om ʼn besigheid te bedryf, maar die meeste suksesvolle besigheidseienaars het ook bykomende vaardighede en eienskappe wat ʼn suksesvolle besigheid aanhelp. Voordat jy besluit om met ʼn besigheid te begin, moet jy nadink oor watter eienskappe jy het, hoe jou kop werk […]
Die kliënt kom altyd eerste
Karen van der Berg   Die noodsaaklikheid om goeie verhoudings met kliënte te bou, kan nie genoeg beklemtoon word nie. Dit is deur hierdie verhoudings wat jy werklik jou kliënte se behoeftes begin verstaan. Hannes Venter van Global & Local Inc., ’n konsultant wat hulp aan klein ondernemings bied, het vyf goue reëls om goeie […]
Voortdurende veranderings in die werkplek
Anja van den Berg   In die 1960’s het die werkplek gewentel om ʼn nege-tot-vyf-werkdag, mans het hulle vroue en kinders tuis onderhou, en werk het gewoonlik fisiese arbeid behels. Personeel het by die werk gerook – selfs in die kantoor – en daar was geen voorskrifte vir korrekte etiket in die personeelkombuis nie, aangesien […]
1 2 3 53